Latihan Soal PTS Bahasa Jawa Kelas 4 SD Semester 2 Kurikulum 2013, Online

Centralpendidikan.com - Di kesempatan ini admin akan membagikan Contoh Latihan Soal PTS Bahasa Jawa Kelas 4 SD Semester 2 Kurikulum 2013 sebagaimana kompetensi inti (KI) dan Kompetensi Dasar (KD) yang dianjurkan oleh Kementerian Pendidikan dan Kebudayaan atau Kemdikbud di kurtilas revisi tahun 2018 sampai dengan tahun pelajaran 2021 - 2022 sekarang.

Kunci jawaban soal pilihan ganda.PTS Bahasa Jawa Kelas 4 semester 2 tercantum langsung di artikel.

Selanjutnya, untuk detail dokumen kami bagikan dalam format pdf dan microsoft word yang dapat diedit demi kepentingan satuan pendidikan dan guru mata pelajaran Bahasa Jawa Kelas 4 sekolah dasar.

Latihan Soal PTS Bahasa Jawa Kelas 4 SD Semester 2 Kurikulum 2013, Online

Contoh latihan soal PTS Bahasa Jawa Kelas 4 semester 2 kurikulum 2013 pada artikel ini diharapkan dapat membantu bapak/ibu guru dalam proses penyusunan lembar ujian.

Kisi Kisi PTS Bahasa Jawa Kelas 4 Semester 2, Unduh

Simak artikel Soal & Jawaban PTS Bahasa Jawa Kelas 4 SD Semester 2 Kurikulum 2013 selengkapnya sebagai berikut. Tautan file (Dokumen) tersedia di bawah artikel.

KD 3.1
Gatekna crita ing ngisor iki kanggo soal no 1 – 9!
Dhumadine Bledug Kuwu
Sawise nampa dhawuhe Ajisaka sing saiki wis dadi ratu ing Medangkamolan, Joko Linglung banjur pamit. Wis mantep tekade Joko Linglung bakal ngayahi dhawuhe Ajisaka. Joko Linglung iku titah kang awujud ula gedhe. Sanajan wujude ula, nanging dheweke bisa tata jalma, bisa guneman kaya dene menungsa lumrah. Joko Linglung rumangsa menawa dheweke iku anake Ajisaka kang salah kedaden, lair wujud ula. Mula bareng wes gedhe, dheweke sowan menyang kraton Medangkamolan saperlu njaluk diakoni pinangka anake Ajisaka. Anggone sowan menyang kraton dheweke diterake dening Mbok Randha Retna Mengali kang sesuwene iki ngopeni dheweke. Panganggepe Joko Linglung marang Mbok Randa wis kaya dene wong tuwane dhewe.
Ing pisowanane menyang kraton, Joko Linglung diaku anake Ajisaka menawa dheweke bisa ngalahake bajul putih malihane Prabu Dewatacengkar kang saiki mapan ana ing Segara Kidul. Saliyane iku, menawa dheweke bisa ngalahake si bajul putih iku, mulihe menyang Medangkamolan ora oleh liwat sandhuwure lemah. Dheweke kudu liwat sangisore lemah, jalaran menawa liwat dalan biasa mesthi bakal gawe wedine rakyat Medangkamolan.
“Joko Linglung, kowe dakakoni putraku menawa kowe bias mateni bajul putih malihane Prabu Dewatacengkar kang saiki manggon ing pesisir Segara Kidul. Dheweke tansah gawe cilaka lan sengsarane rakyat Medangkamolan kang mapan ana ing sakiwa tengene pesisir iku. Saliyane iku, merga awakmu kang wujud ula gedhe, mulihmu menyang Medangkamolan menawa wis kasil mateni Bajul Putih aja liwat dalan. Kowe gawea dalan dhewe liwat njero bumi. Menawa kowe liwat dalan, kowe bakal gawe gisire rakyat Medangkamolan. Apa kowe sanggup, Kaki?”
“Inggih, kula sagah, Gusti,” wangsulane Joko Linglung.
Cekaking crita, Joko Linglung kasil mateni Bajul Putih. Kanthi nggawa tugelaning drijine Bajul Putih, Joko Linglung enggal-enggal mulih menyang Medangkamolan. Kaya dhawuhe Ajisaka, anggone mulih Joko Linglung liwat sanjerone lemah, kanthi gawe dalan dhewe.
Sawise rumangsa suwe anggone mlaku liwat njero bumi, Joko Linglung banjur njedhul, metu saka njeron lemah. Karepe mesthekake wis tekan apa durung. Nalika mangerteni menawa durung teka, dheweke banjur bali ambles bumi maneh. Mangkono bola-bali dilakoni nanging durung tekan-tekan ing Medangkamolan.
Tekan ing sawijinning panggonan. Joko Linglung bali njedhul, metu maneh saka njeron lemah, nanging nyatane isih durung tekan. Joko Linglung wiwit mupua. Nalika njedhul maneh saka njeron bumi sing dipethuki mung ara-ara amba, sheweke ambles njedul ambles njedhul bola-bali. Napase kang ngos-ngosan gawe lemah ing kono muncrat-muncrat. Nganti seprene lemah ing papan kono isih koyo mengkono, sedhela-sedhela muncrat karo ngetokake swara “bledhug…bledhug…bledhug.” Gandheng papan kono jenenge Kuwu, mula nganti seperene banjur diarani Bledhug Kuwu.
Dene Joko Lingkung wusanane banjue bisa teka ing kraton Medangkamolan lan diakoni anak deneng Ajisaka.
Semarang, Agustus 2014
Sri Sunarsih, Bledhug Kuwu, Besutan Crita Rakyat

1. Joko Linglung iku lair wujude….
a. ula gedhe
b. baya putih
c. bulus putih
d. bajul putih

Jawaban : A

2. Joko Linglung bakal ngayahi dhawuhe Ajisaka. Ukara iku nudhuhake yen Joko Linglung duwe sifat ….
a. sombong
b. goroh
c. mituhu
d. ngapusi

Jawaban : C

3. Ajisaka dadi ratu ing Medangkomulan. Tembung kang kecetak kandel kramane….
a. patih
b. camat
c. nata
d. bupati

Jawaban : C

4. Senajan wujude ula nanging dheweke bisa guneman. Tegese guneman yaiku....
a. omong
b. guyon
c. mlaku
d. mangan

Jawaban : A

5. Wacan ing dhuwur duwe pitutur kang luhur menawa menungsa kudu bisa....
a. tepa slira
b. guneman
c. tata karma
d. sekti

Jawaban : C

6. Sanajan wujude ula, nanging Joko Linglung bias tata jalma….
a. siraeh ula, awake menungsa
b. bisa guneman kaya dene menungsa lumrah
c. siraeh menungsa, awake ula
d. bisa gawe cilakane manungsa

Jawaban : B

7. Joko Linglung sowan menyang kraton Medangkamolan perlune….
a. nyuwun pusakane Ajisaka
b. nampa dhawuhe Ajisaka
c. njaluk diparingi kasekten dening Ajisaka
d. njaluk didaku anak dening Ajisaka

Jawaban : D

8. Sowane Joko Linglung diterake dening….
a. Mbok Randha Dhadhapan
b. Mbok Randa Retna Mengali
c. Ki Hajar Salokantara
d. Ni Endang

Jawaban : B

9. Joko Linglung diweling mulihe supaya kepriye….
a. liwat sandhuwure lemah
b. liwat sangisore lemah
c. liwat dalan biasa
d. Mabur liwat dhuwur

Jawaban : B

KD 3.2
GAMBUH
Sekar gambuh ping catur
Kang cinatur polah kang kalantur
Tanpa tutur katula-tula katali
Kadaluwarsa katutuh
Kapatuh pan dadi awon

10. Tembang gambuh iku dumadi saka … gatra.
a. 1
b. 5
c. 6
d. 4

Jawaban : B

11. Tembung gatra tegese padha karo….
a. baris/larik
b. paragraph
c. bait

d. ukara

Jawaban : A

12. Kang cinatur polah kang kalantur. Tembung kalantur iku tegese….
a. kebacut
b. wewarah
c. kembang
d. pitutur

Jawaban : A

13. Guru wilangan gatra kaping pisan tembang gambuh yaiku....
a. 10
b. 8
c. 7
d. 12

Jawaban : C

KD 3.1
Gatekna crita ing isor iki !
Dumadine Rawa Pening
Nalika warga desa lagi padha pista mangan enak lawuh iwak ula asil buronane, ana bocah bajang keluwen mara nyedhaki. Kanthi rasa kepengin banget, bocah bajang iku nyedhaki sawijining wong lanang kang lagi manga nana ing kono.
“Nyuwun Pak, kula luwe…..” tembunge.
“Eh kana! Kana! Semingkir sing adoh! Awakmu reget, ora ngenak-enaki wong pista! Kana sumingkir sing adoh, aja ana kene!”
Bocah bajang iku lunga, ganti nyedhaki wong liyane.
“Nyuwun Pak, kula luwe,” bali tembunge.
Kaya wong mau, bocah bajang iku ora diwenehi sega, malah disurung-surung dikon lunga. Kanthi ati lara lan nelangsa, bocah bajanf iku lunga ninggalake papan kono. Tekan ing sawijining omah, dheweke ngambu masakan kang sedhep banget sing gawe wetenge sangsaya krasa luwe. Dheweke nembung mangan marang sing duwe omah, nanging ora diwenehi.
Mangkono, saben uwong kang dijaluki pangan ora ana sing menehi. Bocah bajang iku malah diusir, dikongkon lunga sing adoh. Kanthi tumungkul, bocah bajang iku mlaku nglungani wong-wong iku. Ora krasa, lakune tumeka ing sawijining omah gubug. Bocah bajang iku mandheg, lungguhan ing cedhak kono.
“Ngger, ngapa kok lungguhan ana kono? Kene lho, mlebu omah kene” aloke swara saka njero gubug.
Bocah bajang kaget, noleh ngiwa lan nengen.
“Kene lho Ngger, mlebua omah kene. Iki ana sega sethithik, ayo dipangan bareng!”, pangajake nini nini tuwa sing duwe gubug.
“Mbah, kula matur nuwun diparingi maem. Mangke nek wonten banjir panjenengan numpak lesung niki nggih, Mbah? Pun kula nyuwun pamit.”
Karo kandha kaya mengkono bocah bajang iku lunga ninggalake nini tuwa iku.
Bener kandhane bocah bajang. Ora let suwe dumadakane desa iki keleban banjir. Banyune banjir bening banget. Wong sadesa kabeh padha klelep ora ana sing slamet, kejaba nini tuwa kang numpak lesung. Desa iku keleban banjir dadi rawa. Rawane bening banget.
“Bening, bening bening,” kandhane nini nini tuwa karo numpak kesung.
Wusanane rawa iku dijenengake rawa pening, nganti saiki.
Semarang, Juni 2013
Gunadi Aryo, Crita Rakyat Jawa Tengah.

14. Desa ing wacan padha pista mangan enak lawuh iwak….
a. sapi
b. kebo
c. ula
d. menjangan

Jawaban : C

15. Nalika padha pista, ana bocah bajang keluwen nyedhaki. Tembung keluuwen tegese padha karo….
a. kakehan
b. weruh
c. sambat
d. ngelih

Jawaban : D

16. Bocah bajang iku nyedhaki wong kang lagi padha pista karepe….
a. njaluk mangan
b. njaluk ngombe
c. melu pista
d. melu mangan

Jawaban : A

17. Bocah bajang dikongkon semingkir sing adoh merga awake….
a. lemu
b. kuru
c. gudhigen
d. reget

Jawaban : D

18. Sidane bojah bajang diwenehi pangan dening nini….
a. ayu
b. ompong
c. randa
d. tuwa

Jawaban : D

19. Sadurunge pamit, bocah bajang meling nini nini menawa ana apa-apa supaya numpak….
a. lesung
b. kapal
c. prau
d. gethek

Jawaban : A

20. Jeneng Rawa Pening dumadine saka tembung….
a. pening
b. wening
c. bening
d. hening

Jawaban : C

(21 - 35 di file / dokumen)

II. Isinen ceceg-ceceg ing ngisor iki kanthi trep !
KD 3.1
1. Sawijining prosa lawas ing masyarakat lan anggone nyebarake turun menurun nganggo Bahasa lisan arane….

Jawaban : Crita rakyat
2. Tumpraping bocah-bocah, crita rakyat uga bisa migunani pinangka….

Jawaban : Pendhidhikan budi pekerti
3. Crita kang nggambarake kisah dumadine papan/barang arane….

Jawaban : Legenda
Gatekna crita ing ngisor iki !
Baru Khlinting iku arane ula kang gedhe banget. Dheweke lagi tapa ing alas gedhe lan wingit marga didhawuhi ramane, yaiku Pandhita ing Telamaya. Anggone tapa wis ana sepuluh taun, mula awake lumjten lan dituwuhi wit-witan.
4. Baru Khlinting punika wujudipun….

Jawaban : sawer/ula
5. Baru Khlinting tapa wonten ing….
KD 3.2
Wacanen tembang ing ngisor iki !
Gambuh
Bocah enom pututku
Kudu ngudi samubarang kawruh
Lan taberi nandangi sabarang kardi
Pagaweyan kasar alus
Aja nganti sira emoh
6. Sing ngendika tembang Gambuh ing dhuwur yaiku….

Jawaban : eyang/simba
7. Tembung taberi iku tegese….

Jawaban : sregep tememen
8. Jumlah gatra ing tembang gambuh ana….

Jawaban : 5
9. Tibane swara (vocal) ing pungkasane gatra arane….

Jawaban : dhong dhing/guru lagu
10. Tembang macapat iku cacahe ana 11.
Ukara iku menawa dikramakake…,

Jawaban : sekar macapat menika cacahipun wonten 11

III. Wangsulana pitakon-pitakon ing ngisor iki kanthi pratitis !

(Kebijaksanaan Guru)
KD 3.1
1. Tulisen titikane cerita rakyat!
2. Tulisen pokok crita rakyat Dumadine Bledhug Kuwu ing dhuwur nganggo basa krama!
KD 3.2
Tembang gambuh ing ngisor iki kanggo mangsuli pitakonan nomer 3-5!
Rungokna pituturku
Bocah sekolah kudu sinau
Aja padha seneng nakal lan kemaki
Iku sipat ora apik
Marakake dadi bondho
Ja seneng adu adu
Sipat ala aja ditiru
Gawe kanca padha serik lara ati
Luwih becik urip rukun
Aja padha seneng goroh
3. Tumindak apa bae sing ora kena ditiru?
4. Isine tembang ing dhuwur menawa ditulis nganggo basa krama!
5. Seneng nakal lan kemaki marai dadi kepriye?

• Contoh Soal & Jawaban PTS Bahasa Jawa Kelas 4 SD Semester 2 K13  - UNDUH

Dengan artikel tentang Contoh Soal & Jawaban PTS Bahasa Jawa Kelas 4 SD Semester 2 K13, Terima kasih atas kunjungannya. Semoga bermanfaat.